CLIDUCHUS

CLIDUCHUS

ex Graeco Κλειδοῦχος, i. e. Claviger, inter opera ex aere Phidiae, memoratur Plinio, l. 34. c. 8. Fecit. et Cliduchum, et aliam Miner vam, quam Romae Aemilius Paulus ad aedem Fortunae dedicavit. Euphranoris item, in seqq. circa finem c. Fecit et quadrigas bigasque, et Cliduchon eximiâ formâ. Quô cognomine quis designetur, haud liquet. Pausan. in Eliacis picturae meminit, in qua fuêre Pluto, Liber Pater, Proserpina et Nymphae duae, quarum altera phialam tenuit: altera clavem. Addit, Plutonis clavem insigne sesse, quod Inferorum sedes ita clausa sit, ut reditus nemini pateat. Unde Κλειδοῦχον vocari aut Nympham illam aut Plutonem clavigerum, colligit Dalechampius, Not. ad l. Melius quid suggeretur infra, ubi de voce Columna.